ПРЕСВЯТОЙ ДЕВЕ МАРИИ

Commemoratio Beatae Virginis Mariae

Da nobis famulis tuis

Alma Redemptoris Mater

Ave Regina Caelorum

Regina Caeli

Salve Regina

Litaniae Lauretanae

Maria, Mater Gratiae

Memorare, o piissima Virgo Maria

O Beata Virgo Maria

Obsecro te

Sub Tuum Praesidium

Angelus ad Virginem

Flos Carmeli

Memento, salutis Auctor

Quem terra, pontus, aethera

Stabat Mater dolorosa

Stabat Mater speciosa

Commemoratio Beatae Virginis Mariae

Sancta Maria, succurre miseris, iuva pusillanimes, refove flebiles, ora pro populo, interveni pro clero, intercede pro devoto femineo sexu: sentiant omnes tuum iuvamen, quicumque celebrant tuam sanctam commemorationem. Amen.

V. Ora pro nobis, sancta Dei Genetrix.

R. Ut digni efficiamur promissionibus Christi.

Oremus

Concede nos famulos tuos, quaesumus Domine Deus, perpetua mentis et corporis sanitate gaudere: et gloriosa beatae Mariae semper virginis intercessione, a praesenti liberari tristitia, et aeterna perfrui laetitia. Amen.

Vel:

V. Post partum virgo inviolata permanisti.

R. Dei Genetrix, intercede pro nobis.

Oremus

Deus, qui salutis aeternae, beatae Mariae virginitate fecundae, humano generi praemia praestitisti: tribue, quaesumus, ut ipsam pro nobis intercedere sentiamus, per quam meruimus auctorem vitae suscipere, Dominum nostrum Iesum Christum Filium tuum. Amen.

Da nobis famulis tuis

Da nobis famulis tuis, Domine Iesu Christe, beatae Mariae Virginis Matris tuae semper et ubique patrocinio protegi. Amen.

Alma Redemptoris Mater

Alma Redemptoris Mater, quae pervia caeli Porta manes, et stella maris, succurre cadenti, Surgere qui curat, populo: tu quae genuisti, Nature mirante, tuum sanctum Genitorem Virgo prius ac posterius, Gab-rielis ab ore Sumens illud Ave, peccatorum miserere.

Tempus Adventus

V. Angelus Domini nuntiavit Mariae.

R. Et concepit de Spiritu Sancto.

Oremus

Gratiam tuam, quaesumus, Domine, mentibus nostris infunde: ut qui, Angelo nun-tiante, Christi Fili tui incar-nationem cognovimus; per passionem eius et crucem, ad resurrectionis gloriam perdu-camur. Per eumdem Christum Dominum nostrum. Amen.

Donec Purificatio

V. Post partum, Virgo, inviolata permansisti.

R. Dei Genetrix, intercede pro nobis.

Oremus

Deus, qui salutis aeternae, beatae Mariae virginitate fecunda, humano generi praemia praestitisti: tribue, quaesumus; ut ipsam pro nobis intercedere sentiamus, per quam meruimus auctorem vitae suscipere, Dominum nostrum Iesum Christum, Filium tuum. Amen.

Ave Regina Caelorum

Ave, Regina caelorum,
Ave, Domina Angelorum:
Salve, radix, salve, porta,
Ex qua mundo lux est orta:

Gaude, Virgo gloriosa,
Super omnes speciosa,
Vale, o valde decora,
Et pro nobis Christum exora.

V. Dignare me laudare te, Virgo sacrata.

R. Da mihi virtutem contra hostes tuos.

Oremus: Concede, misericors Deus, fragilitati nostrae praesidium; ut, qui sanctae Dei Genetricis memoriam agimus; intercessionis eius auxilio, a nostris iniquitatibus resurgamus. Per eumdem Christum Dominum nostrum. Amen.

Regina Caeli

Regina caeli, laetare, alleluia:
Quia quem meruisti portare, alleluia,
Resurrexit sicut dixit, alleluia.
Ora pro nobis Deum, alleluia.

V. Gaude et laetare, Virgo Maria, alleluia,

R. Quia surrexit Dominus vere, alleluia.

Oremus

Deus, qui per resurrectionem Filii tui, Domini nostri Iesu Christi, mundum laetificare dignatus es: praesta, quae-sumus; ut, per eius Genetricem Virginem Mariam, perpetuae capiamus gaudia vitae. Per eumdem Christum Dominum nostrum. Amen.

Salve Regina

Salve, Regina, mater misericordiae: vita, dulcedo, et spes nostra, salve. Ad te clamamus exsules filii Hevae. Ad te suspiramus, gementes et flentes in hac lacrimarum valle. Eia, ergo, advocata nostra, illos tuos misericordes oculos ad nos converte. Et Iesum, benedictum fructum ventris tui, nobis post hoc exsilium ostende.

O clemens, O pia, O dulcis Virgo Maria. Amen.

V. Ora pro nobis, sancta Dei Genetrix.

R. Ut digni efficiamur promissionibus Christi.

Oremus

Omnipotens sempiterne Deus, qui gloriosae Virginis Matris Mariae corpus et animam, ut dignum Filii tui habitaculum effici mereretur, Spiritu Sancto cooperante, praeparasti: da, ut cuius commemoratione laeta-mur; eius pia intercessione, ab instantibus malis, et a morte perpetua liberemur. Per eumdem Christum Dominum nostrum. Amen.

Litaniae Lauretanae

Kyrie, eleison. Kyrie, eleison.

Christe, eleison. Christe, eleison.

Kyrie, eleison. Kyrie, eleison.

 

Christe, audi nos. Christe, audi nos.

Christe, exaudi nos. Christe, exaudi nos.

 

Pater de caelis, Deus, miserere nobis.

Fili, Redemptor mundi, Deus, miserere nobis.

Spiritus Sancte Deus, miserere nobis.

Sancta Trintitas, unus Deus, miserere nobis.

 

Sancta Maria, ora pro nobis.

Sancta Dei Genetrix, ora pro nobis.

Sancta Virgo virginum, ora pro nobis.

Mater Christi, ora pro nobis.

Mater Ecclesiae, ora pro nobis.

Mater Divinae gratiae, ora pro nobis.

Mater purissima, ora pro nobis.

Mater castissima, ora pro nobis.

Mater inviolata, ora pro nobis.

Mater intemerata, ora pro nobis.

Mater amabilis, ora pro nobis.

Mater admirabilis, ora pro nobis.

Mater boni Consilii, ora pro nobis.

Mater Creatoris, ora pro nobis.

Mater Salvatoris, ora pro nobis.

Virgo prudentissima, ora pro nobis.

Virgo veneranda, ora pro nobis.

Virgo praedicanda, ora pro nobis.

Virgo potens, ora pro nobis.

Virgo clemens, ora pro nobis.

Virgo fidelis, ora pro nobis.

Speculum iustitiae, ora pro nobis.

Sedes sapientiae, ora pro nobis.

Causa nostrae laetitiae, ora pro nobis.

Vas spirituale, ora pro nobis.

Vas honorabile, ora pro nobis.

Vas insigne devotionis, ora pro nobis.

Rosa mystica, ora pro nobis.

Turris Davidica, ora pro nobis.

Turris eburnea, ora pro nobis.

Domus aurea, ora pro nobis.

Foederis arca, ora pro nobis.

Ianua caeli, ora pro nobis.

Stella matutina, ora pro nobis.

Salus infirmorum, ora pro nobis.

Refugium peccatorum, ora pro nobis.

Consolatrix afflictorum, ora pro nobis.

Auxilium Christianorum, ora pro nobis.

Regina Angelorum, ora pro nobis.

Regina Patriarcharum, ora pro nobis.

Regina Prophetarum, ora pro nobis.

Regina Apostolorum, ora pro nobis.

Regina Martyrum, ora pro nobis.

Regina Confessorum, ora pro nobis.

Regina Virginum, ora pro nobis.

Regina Sanctorum omnium, ora pro nobis.

Regina sine labe originali concepta, ora pro nobis.

Regina in caelum assumpta, ora pro nobis.

Regina Sanctissimi Rosarii, ora pro nobis.

Regina familiae, ora pro nobis.

Regina pacis, ora pro nobis.

 

Agnus Dei, qui tollis peccata mundi, parce nobis, Domine.

Agnus Dei, qui tollis peccata mundi, exaudi nobis, Domine.

Agnus Dei, qui tollis peccata mundi, miserere nobis.

 

V. Ora pro nobis, Sancta Dei Genetrix, R. Ut digni efficiamur promissionibus Christi.

Oremus: Concede nos famulos tuos, quaesumus, Domine Deus, perpetua mentis et corporis sanitate gaudere: et gloriosa beatae Mariae semper Virginis intercessione, a praesenti liberati tristitia, et aeterna perfrui laetitia. Per Christum Dominum nostrum.

R. Amen.

Tempore Adventus:

V. Angelus Domini nuntiavit Mariae, R. Et concepit de Spiritu Sancto.

Oremus: Deus, qui de beatae Mariae Virginis utero Verbum tuum, Angelo nuntiante, carnem suscipere voluisti: praesta supplicibus tuis; ut, qui vere eam Genetricem Dei credimus, eius apud te intercessionibus adiuvemur. Per Christum Dominum nostrum.

R. Amen.

Tempore Nativitatis:

V. Post partum, Virgo, inviolata permansisti, R. Dei Genetrix, intercede pro nobis.

Oremus: Deus, qui salutis aeternae, beatae Mariae virginitate fecunda, humano generi praemia praestitisti: tribue, quaesumus; ut ipsam pro nobis intercedere sentiamus, per quam meruimus Filius tuum auctorem vitae suscipere. Qui tecum vivit et regnat in saecula saeculorum.

R. Amen.

Tempore Paschali:

V. Gaude et laetare, Virgo Maria, alleluia. R. Quia surrexit Dominus vere, alleluia.

Oremus: Deus, qui per resurrectionem Filii tui, Domini nostri Iesu Christi, mundum laetificare dignatus es: praesta, quaesumus: ut, per eius Genetricem Virginem Mariam, perpetuae capiamus gaudia vitae. Per eundem Christum Dominum nostrum.

R. Amen.

Maria, Mater Gratiae

Maria, Mater gratiae,
Mater misericordiae,
tu me ab hoste protege
et hora mortis suscipe.

Amen.

Memorare, o piissima Virgo Maria

Memorare, o piissima Virgo Maria, non esse auditum a saeculo, quemquam ad tua currentem praesidia, tua implorantem auxilia, tua petentem suffragia, esse derelictum. Ego tali animatus confidentia, ad te, Virgo Virginum, Mater, curro ad te venio, coram te gemens peccator assisto. Noli, Mater Verbi, verba mea despicere; sed audi propitia et exaudi. Amen.

O Beata Virgo Maria

O beata Virgo Maria, quis tibi digne valeat iura gratiarum ac laudum preaconia rependere, quae singulari tuo assensu, mundo succurristi perdito? Quas tibi laudes fragilitas humani generis persolvat, quae solo tuo commercio recuperandi aditum invenit?

Accipe itaque quascumque exiles, quascumque meritis tuis impares gratiarum actiones, et cum susceperis vota, culpas nostras orando excusa. Admitte nostras preces intra sacrarium exauditionis et reporta nobis antidotum reconcilliationis. Sit per te excusabile quod per te ingerimus; fiat impetrabile quod fida mente poscimus.

Accipe quod offerimus, redona quod rogamus, excusa quod timemus, quia Tu es spes unica peccatorum. Per te speramus veniam delictorum et in te, beatissima, nostrorum est expectatio praemiorum. Sancta Maria, succurre miseris; iuva pusillanimes; refove flebiles; ora pro populo; interveni pro clero; intercede pro devoto femineo sexu: sentiant omnes tuum iuvamen, quicumque celebrant tuam sanctam commemorationem.

Assiste parata votis poscentium et reporta nobis optatum effectum. Sint tibi studia assidua orare pro populo Dei, quae meruisti, benedicta, Redemptorem ferre mundi, qui vivit et regnat in saecula saeculorum. Amen.

St. Augustinus

Obsecro te

Obsecro te, Domina Sancta Maria, Mater Dei, pietatae plenissima, summi regis filia, Mater gloriosissima, Mater orphanorum, consolatio desolatorum, via errantium, salus et spes in te sperantium, Virgo ante partum, Virgo in partu, et Virgo post partum, fons misericordiae, fons salutis et gratiae, fons pietatis et laetitiae, fons consolationis et indulgentiae, et per illam sanctam ineffabilem laetitiam qua exultavit spiritus tuus in illa hora quando tibi per Gabrielem Archangelum annuntiatus et conceptus Filius Dei fuit, et per illud divinum mysterium quod tunc operatus est Spiritus Sanctus, et per illam sanctam ineffabilem gratiam, pietatem, misericordiam, amorem, et humilitatem per quas Filius Dei descendit humanam carnem accipere in venerabilissimo utero tuo, et in quibus te respexit quando te commendavit sancto Iohanno apostolo et evangeliste, et quando te exaltavit super choros angelorum, et per illam sanctam ineffabilem humilitatem qua respondisti Archangelo Gabrieli, "Ecce ancilla Domini. Fiat mihi secundum verbum tuum."

Et per gloriosissima quindecim gaudia quae habuisti de Filio tuo Domino nostro Iesu Christo, et per illam sanctam maximam compassionem et acerbissimum cordis dolorem quem habuisti quando Dominum nostrum Iesum Christum ante crucem nudatum et in ipsa levatum vidisti, pendentem, crucifixum, vulneratum, sitientem fel apponi, clamantem audisti et morientem vidisti.

Et per quinque vulnera Filii tui, et per contractionem viscerum suorum prae nimio dolore vulnerum, et per dolorem quem habuisti quam vidisti eum vulnerari, et per fontes sanguinis sui et per omni passionem eius et per omni dolorem cordis tui, et per fontes lacrimarum tuarum et cum omnibus sanctis et electis Dei;

Venias et festines in auxilium et consilium meum. In omnibus orationibus et requisitis meis. Et in omnibus angustiis et in necessitatibus meis et in omnibus rebus illis in quibus ego sum facturus, locuturus, aut cogitaturus omnibus diebus ac noctibus, horis, atque momentis vitae meae. Et in famulo tuo impetres a dilecto Filio complementum omni misericordia et consolatione, omni consilio, omni auxilio et omni audiutorio, omni benedictione et sanctificatione, omni salvatione, pace et prosperitate, omni gaudio et alacritate, etiam abundantiam omni bonorum spiritualium et corporalium et gratiam Spiritus Sancti qui me bene per omnia disponat, animam meam custodiat, corpus regat, sensus erigat, mores componat, actus probet, vota et desideria mea proficiat, cogitationes sanctas instituat, praeterita mala indulgeat, praesentia emendet, futura moderetur, vitam honestam et honorabilem mihi tribuat.

Et victoriam contra omnes adversitates huius mundi, beatem pacem spiritualem et corporalem mihi tribuat. Bonam spem, caritatem fidem castitatem humilitatem et patientiam. Et quinque sensus corporis mei regat et protegat, septem opera misericordiae complere me faciat, duodecim articulos fidei et decem praecepta legis firmiter credere et tenere me faciat. Et a septem peccatis mortalibus me liberet et defendat useque in finem vitae meae. Et in novissimus diebus meis ostende mihi faciem tuam. Et annunties mihi dies et hora obitus mei. Et hanc orationem meam supplicem suscipias et exaudias. Et vitam aeternam mihi tribuas. Audi et exaudi me dulcissime Virgo Maria, Mater Dei et misericordiae. Amen.

Sub Tuum Praesidium

Sub tuum praesidium, Sancta Dei Genetrix. Nostras deprecationes ne despicias in necessitatibus [nostris], sed a periculis cunctis libera nos semper, Virgo gloriosa et benedicta. Amen.

Angelus ad Virginem

Angelus ad Virginem subintrans in conclave
Virginis formidinem demulcens inquit: "Ave!"
Ave, Regina virginum, caeli terraeque Dominum
concipies et paries intacta salutem hominum,
tu porta caeli facta medela criminum.

Quomodo conciperem quae virum non cognovi?
Qualiter infringerem quod firma mente vovi?
Spiritus Sancti gratia perficiet haec omnia;
ne timeas, sed gaudeas, secura quod castimonia
manebit in te pura Dei potentia.

Ad haec virgo nobilis respondens inquit ei:
"Ancilla sum humilis omnipotentis Dei.
Tibi caelesti nuntio, tanti secreti conscio
consentiens et cupiens videre factum quod audio;
parata sum parere Dei consilio."

Eia Mater Domini, quae pacem reddidisti
Angelis et homini, cum Christum genuisti:
tuum exora Filium ut se nobis propitium
exhibeat et deleat peccata: praestans auxilium
vita frui beata post hoc exsilium.

Flos Carmeli

Flos Carmeli,
vitis florigera,
splendor caeli,
virgo puerpera
singularis.

Mater mitis
sed viri nescia
Carmelitis
esto propitia
stella maris.

Radix Jesse
germinans flosculum
Nos ad esse
tecum in saeculum
patiaris.

Inter spinas
quae crescis lilium
Serva puras
mentes fragiluim
tutelaris.

Armatura
Fortis Pugnantium
Furunt bella
tende praesidium
scapularis.

Per incerta
prudens consilium
Per adversa
iugie solatium
largiaris.

Mater dulcis
Carmeli domina,
plebem tuam
reple laetitia
qua bearis.

Paradisi
clavis et ianua,
fac nos duci
quo, Mater, gloria
coronaris. Amen

Memento, salutis Auctor

Memento, salutis Auctor,
quod nostri quondam corporis,
ex illibata Virgine
nascendo, formam sumpseris.

Maria, mater gratiae,
mater misericordiae,
tu nos ab hoste protege,
et hora mortis suscipe.

Gloria tibi, Domine,
qui natus es de Virgine,
cum Patre at Sancto Spiritu
in sempiterna saecula. Amen.

Quem terra, pontus, aethera

Quem terra, pontus, aethera
colunt, adorant, praedicant,
trinam regentem machinam
claustrum Mariae baiulat.

Cui Luna, Sol, et omnia
deserviunt per tempora,
perfusa coeli gratia,
gestant Puellae viscera.

Beata Mater, munere,
cuius supernus Artifex,
mundum pugillo continens,
ventris sub arca clausus est.

Beata coeli nuntio,
fecunda Sancto Spiritu,
desideratus Gentibus,
cuius per alvum fusus est.

Iesu, Tibi sit gloria,
qui natus es de Virgine,
cum Patre, et almo Spiritu,
in sempiterna saecula. Amen.

Stabat Mater dolorosa

Stabat Mater dolorosa
iuxta Crucem lacrimosa,
dum pendebat Filius.

Cuius animam gementem,
constristatam et dolentem
pertransivit gladius.

O quam tristis et afflicta
fuit illa benedicta,
mater Unigeniti!

Quae maerebat et dolebat,
pia Mater, dum videbat
nati poenas inclyti.

Quis est homo qui non fleret,
matrem Christi si videret
in tanto supplicio?

Quis non posset contristari
Christi Matrem contemplari
dolentem cum Filio?

Pro peccatis suae gentis
vidit Iesum in tormentis,
et flagellis subditum.

Vidit suum dulcem Natum
moriendo desolatum,
dum emisit spiritum.

Eia, Mater, fons amoris
me sentire vim doloris
fac, ut tecum lugeam.

Fac, ut ardeat cor meum
in amando Christum Deum
ut sibi complaceam.

Sancta Mater, istud agas,
crucifixi fige plagas
cordi meo valide.

Tui Nati vulnerati,
tam dignati pro me pati,
poenas mecum divide.

Fac me tecum pie flere,
crucifixo condolere,
donec ego vixero.

Iuxta Crucem tecum stare,
et me tibi sociare
in planctu desidero.

Virgo virginum praeclara,
mihi iam non sis amara,
fac me tecum plangere.

Fac, ut portem Christi mortem,
passionis fac consortem,
et plagas recolere.

Fac me plagis vulnerari,
fac me Cruce inebriari,
et cruore Filii.

Flammis ne urar succensus,
per te, Virgo, sim defensus
in die iudicii.

Christe, cum sit hinc exire,
da per Matrem me venire
ad palmam victoriae.

Quando corpus morietur,
fac, ut animae donetur
paradisi gloria. Amen.

Stabat Mater speciosa

Stabat Mater speciosa
iuxta foenum gaudiosa,
dum iacebat parvulus.

Cuius animam gaudentem
laetabundam et ferventem
pertransivit iubilus.

O quam laeta et beata
fuit illa immaculata,
mater Unigeniti!

Quae gaudebat et ridebat,
exultabat, cum videbat
nati partum inclyti.

Quisquam est, qui non gauderet,
Christi matrem si videret
in tanto solatio?

Quis non posset collaetari,
Christi Matrem contemplari
ludentem cum Filio?

Pro peccatis suae gentis
Christum vidit cum iumentis
et algori subditum.

Vidit suum dulcem Natum
vagientem, adoratum,
vili deversorio.

Nato, Christo in prassepe
caeli cives canunt laete
cum immenso gaudio.

Stabat, senex cum puella
non cum verbo nec loquela
stupescentes cordibus.

Eia, Mater, fons amoris
me sentire vim ardoris
fac, ut tecum sentiam.

Fac, ut ardeat cor meum
in amatum Christum Deum
ut sibi complaceam.

Sancta Mater, istud agas,
prone introducas plagas
cordi fixas valide.

Tui Nati caelo lapsi,
iam dignati faeno nasci,
poenas mecum divide.

Fac me vere congaudere,
Iesulino cohaerere,
donec ego vixero.

In me sistat ardor tui,
puerino fac me frui
dum sum in exilio.

Virgo virginum praeclara,
mihi iam non sis amara,
fac me parvum rapere.

Fac, ut pulchrum infantem portem,
qui nascendo vicit mortem,
volens vitam tradere.

Fac me tecum satiari,
Nato me inebriari,
stantem in tripudio.

Inflammatus et accensus,
obstupescit omnis sensus
tali me commercio.

Fac, me Nato custodiri,
verbo Dei praemuniri
conservari gratia.

Quando corpus morietur,
fac, ut animae donetur
tui nati gloria. Amen.