 |
|||||||||||||||||||
|
|||||||||||||||||||
 |
|||||||||||||||||||
|
ОСНОВНЫЕ МОЛИТВЫ
Signum Crucis (Крестное Знамение) Oratio Dominica (Молитва Господня "Отче наш") Doxologia maior (Великое Славословие) Symbolum Nicaenum (Никейский Символ Веры) Symbolum Apostolorum (Апостольский Символ Веры) Quicumque (Афанасиевский Символ Веры) Benedictio Mensae (Благословения перед и после еды) Veni, Sancte Spiritus (Приди, Дух Святой) Te Deum (Благодарственный гимн св. Амвросия Медиоланского)
Signum Crucis (Крестное Знамение) In nomine Patris, et Filii, et Spiritus Sancti. Amen.
Oratio Dominica (Молитва Господня "Отче наш") Pater noster, qui es in caelis, sanctificetur nomen tuum. Adveniat regnum tuum. Fiat voluntas tua, sicut in caelo et in terra. Panem nostrum quotidianum da nobis hodie, et dimitte nobis debita nostra sicut et nos dimittimus debitoribus nostris. Et ne nos inducas in tentationem, sed libera nos a malo. Amen.
Gloria Patri, et Filio, et Spiritui Sancto. Sicut erat in principio, et nunc, et semper, et in saecula saeculorum. Amen.
Doxologia maior (Великое Славословие) Glòria in excèlsis Deo et in terra pax homìnibus bonae voluntàtis. Laudàmus te, benedìcimus te, adoràmus te, glorifcàmus te, gràtias àgimus tibi propter magnam glòriam tuam, Dòmine Deus, Rex caelèstis, Deus Pater omnìpotens. Dòmine Fili unigènite, Jesu Christe, Dòmine Deus, Agnus Dei, Fìlius Patris; qui tollis peccàta mundi, miserère nobis; qui tollis peccàta mundi, sùscipe deprecatiònem nostram; qui sedes ad dèxteram Patris, miserère nobis. Quòniam tu solus Sanctus, Tu solus Dòminus, Tu solus Altìssimus, Jesu Christe, cum Sacto Spìritu in glòria Dei Patris. Amen.
Symbolum Nicaenum (Никейский Символ Веры) Credo in unum Deum, Patrem omnipotentem, factorem caeli et terrae,visibilium omnium et invisibilium. Et in unum Dominum Iesum Christum, Filium Dei unigenitum, et ex Patre natum ante omnia saecula. Deum de Deo, Lumen de Lumine, Deum verum de Deo vero, genitum non factum, consubstantialem Patri; per quem omnia facta sunt. Qui propter nos homines et propter nostram salutem descendit de caelis. Et incarnatus est de Spiritu Sancto ex Maria Virgine, et homo factus est. Crucifixus etiam pro nobis sub Pontio Pilato, passus et sepultus est, et resurrexit tertia die, secundum Scripturas, et ascendit in caelum, sedet ad dexteram Patris. Et iterum venturus est cum gloria, iudicare vivos et mortuos, cuius regni non erit finis. Et in Spiritum Sanctum, Dominum et vivificantem, qui ex Patre Filioque procedit. Qui cum Patre et Filio simul adoratur et conglorificatur: qui locutus est per prophetas. Et unam, sanctam, catholicam et apostolicam Ecclesiam. Confiteor unum baptisma in remissionem peccatorum. Et expecto resurrectionem mortuorum, et vitam venturi saeculi. Amen.
Symbolum Apostolorum (Апостольский Символ Веры) Credo in Deum Patrem omnipotentem, Creatorem caeli et terrae. Et in Iesum Christum, Filium eius unicum, Dominum nostrum, qui conceptus est de Spiritu Sancto, natus ex Maria Virgine, passus sub Pontio Pilato, crucifixus, mortuus, et sepultus, descendit ad infernos, tertia die resurrexit a mortuis, ascendit ad caelos, sedet ad dexteram Dei Patris omnipotentis, inde venturus est iudicare vivos et mortuos. Credo in Spiritum Sanctum, sanctam Ecclesiam catholicam, sanctorum communionem, remissionem peccatorum, carnis resurrectionem et vitam aeternam. Amen.
Quicumque (Афанасиевский Символ Веры) Quicumque vult salvus esse, ante omnia opus est, ut teneat catholicam fidem: Quam nisi quisque integram inviolatamque servaverit, absque dubio in aeternam peribit. Fides autem catholica haec est: ut unum Deum in Trinitate, et Trinitatem in unitate veneremur. Neque confundentes personas, neque substantiam seperantes. Alia est enim persona Patris alia Filii, alia Spiritus Sancti: Sed Patris, et Fili, et Spiritus Sancti una est divinitas, aequalis gloria, coeterna maiestas. Qualis Pater, talis Filius, talis Spiritus Sanctus. Increatus Pater, increatus Filius, increatus Spiritus Sanctus. Immensus Pater, immensus Filius, immensus Spiritus Sanctus. Aeternus Pater, aeternus Filius, aeternus Spiritus Sanctus. Et tamen non tres aeterni, sed unus aeternus. Sicut non tres increati, nec tres immensi, sed unus increatus, et unus immensus. Similiter omnipotens Pater, omnipotens Filius, omnipotens Spiritus Sanctus. Et tamen non tres omnipotentes, sed unus omnipotens. Ita Deus Pater, Deus Filius, Deus Spiritus Sanctus. Et tamen non tres dii, sed unus est Deus. Ita Dominus Pater, Dominus Filius, Dominus Spiritus Sanctus. Et tamen non tres Domini, sed unus est Dominus. Quia, sicut singillatim unamquamque personam Deum ac Dominum confiteri christiana veritate compelimur: ita tres Deos aut Dominos dicere catholica religione prohibemur. Pater a nullo est factus: nec creatus, nec genitus. Filius a Patre solo est: non factus, nec creatus, sed genitus. Spiritus Sanctus a Patre et Filio: non factus, nec creatus, nec genitus, sed procedens. Unus ergo Pater, non tres Patres: unus Filius, non tres Filii: unus Spiritus Sanctus, non tres Spiritus Sancti. Et in hac Trinitate nihil prius aut posterius, nihil maius aut minus: sed totae tres personae coaeternae sibi sunt et coaequales. Ita ut per omnia, sicut iam supra dictum est, et unitas in Trinitate, et Trinitas in unitate veneranda sit. Qui vult ergo salvus esse, ita de Trinitate sentiat. Sed necessarium est ad aeternam salutem, ut incarnationem quoque Domini nostri Iesu Christi fideliter credat. Est ergo fides recta ut credamus et confiteamur, quia Dominus noster Iesus Christus, Dei Filius, Deus et homo est. Deus est ex substantia Patris ante saecula genitus: et homo est ex substantia matris in saeculo natus. Perfectus Deus, perfectus homo: ex anima rationali et humana carne subsistens. Aequalis Patri secundum divinitatem: minor Patre secundum humanitatem. Qui licet Deus sit et homo, non duo tamen, sed unus est Christus. Unus autem non conversione divinitatis in carnem, sed assumptione humanitatis in Deum. Unus omnino, non confusione substantiae, sed unitate personae. Nam sicut anima rationalis et caro unus est homo: ita Deus et homo unus est Christus. Qui passus est pro salute nostra: descendit ad inferos: tertia die resurrexit a mortuis. Ascendit ad caelos, sedet ad dexteram Dei Patris omnipotentis: inde venturus est iudicare vivos et mortuos. Ad cuius adventum omnes homines resurgere habent cum corporibus suis: et reddituri sunt de factis propriis rationem. Et qui bona egerunt, ibunt in vitam aeternam: qui vero mala, in ignem aeternum. Haec est fides catholica, quam nisi quisque fideliter firmiterque crediderit, salvus esse non poterit. Amen.
Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.
Per annum V. Angelus Domini, nuntiavit Mariae; R. Et concepit de Spiritu Sancto. Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen. V. Ecce ancilla Domini. R. Fiat mihi secundum verbum tuum. Ave Maria, gratia plena, ... V. Et Verbum caro factum est. R. Et habitavit in nobis. Ave Maria, gratia plena, ... V. Ora pro nobis, sancta Dei Genetrix. R. Ut digni efficiamur promissionibus Christi. Oremus. Gratiam tuam, quaesumus, Domine, mentibus nostris infunde; ut qui, Angelo nuntiante, Christi Filii tui incarnationem cognovimus, per passionem eius et crucem, ad resurrectionis gloriam perducamur. Per eundem Christum Dominum nostrum. R. Amen.
Tempore Pascali Regina caeli, laetare, alleluia: Quia quem meruisti portare, alleluia. Resurrexit sicut dixit, alleluia. Ora pro nobis Deum, alleluia. V. Gaude et laetare, Virgo Maria, Alleluia, R. Quia surrexit Dominus vere, alleluia. Oremus : Deus qui per resurrectionem Filii tui, Domini nostri Iesu Christi, mundum laetificare dignatus es: praesta, quaesumus, ut per eius Genetricem Virginem Mariam, perpetuae capiamus gaudia vitae. Per eundem Christum Dominum nostrum. R. Amen.
Benedictio Mensae (Благословения перед и после еды) Ante
Benedic, Domine, nos et haec tua dona quae de tua
largitate sumus sumpturi. Per Christum Dominum nostrum. Amen. Mensae coelestis participes faciat nos, Rex aeternae gloriae. Amen. Ante cenam; Ad coenam vitae aeternae perducat nos, Rex aeternae gloriae. Amen.
Post Agimus tibi gratias, omnipotens Deus, pro universis beneficiis tuis, qui vivis et regnas in saecula saeculorum. Amen. V. Deus det nobis suam pacem. R. Et vitam aeternam. Amen.
Veni, Sancte Spiritus (Приди, Дух Святой) Veni, Sancte Spiritus, reple tuorum corda fidelium, et tui amoris in eis accende. V. Emitte Spiritum tuum et creabuntur. R. Et renovabis faciem terrae. Oremus Deus, qui corda fidelium Sancti Spiritus illustratione docuisti. Da nobis in eodem Spiritu recta sapere, et de eius semper consolatione gaudere. Per Christum Dominum nostrum. Amen.
Te Deum (Благодарственный гимн св. Амвросия Медиоланского) Te Deum laudamus: te Dominum confitemur. Te aeternum Patrem omnis terra veneratur. Tibi omnes Angeli; tibi Caeli et universae Potestates; Tibi Cherubim et Seraphim incessabili voce proclamant: Sanctus, Sanctus, Sanctus, Dominus Deus Sabaoth. Pleni sunt caeli et terra maiestatis gloriae tuae. Te gloriosus Apostolorum chorus, Te Prophetarum laudabilis numerus, Te Martyrum candidatus laudat exercitus. Te per orbem terrarum sancta confitetur Ecclesia, Patrem immensae maiestatis: Venerandum tuum verum et unicum Filium; Sanctum quoque Paraclitum Spiritum. Tu Rex gloriae, Christe. Tu Patris sempiternus es Filius. Tu ad liberandum suscepturus hominem, non horruisti Virginis uterum. Tu, devicto mortis aculeo, aperuisti credentibus regna caelorum. Tu ad dexteram Dei sedes, in gloria Patris. Iudex crederis esse venturus. Te ergo quaesumus, tuis famulis subveni: quos pretioso sanguine redemisti. Aeterna fac cum sanctis tuis in gloria numerari. V. Salvum fac populum tuum, Domine, et benedic hereditati tuae. R. Et rege eos, et extolle illos usque in aeternum. V. Per singulos dies benedicimus te. R. Et laudamus nomen tuum in saeculum, et in saeculum saeculi. V. Dignare, Domine, die isto sine peccato nos custodire. R. Miserere nostri, Domine, miserere nostri. V. Fiat misericordia tua, Domine, super nos, quemadmodum speravimus in te. R. In te, Domine, speravi: non confundar in aeternum.
Benedictus Dominus Deus Israel, * quia visitavit, et fecit redemptionem plebis suae. Et erexit cornu salutis nobis * in domo David pueri sui. Sicut locutus est per os sanctorum, * qui a saeculo sunt, prophetarum eius. Salutem ex inimicis nostris, * et de manu omnium qui oderunt nos. Ad faciendam misericordiam cum patribus nostris: * et memorari testamenti sui sancti. Iusiurandum, quod iuravit ad Abraham patrem nostrum, * daturum se nobis. Ut sine timore, de manu inimicorum nostrorum liberati, * serviamus illi. In sanctitate et iustitia coram ipso, * omnibus diebus nostris. Et tu puer, propheta Altissimi vocaberis: * praeibis enim ante faciem Domini parare vias eius. Ad dandam scientiam salutis plebi eius: * in remissionem peccatorum eorum. Per viscera misericordiae Dei nostri: * in quibus visitavit nos, oriens ex alto. Illuminare his qui in tenebris et in umbra mortis sedent: * ad dirigendos pedes nostros in viam pacis.
Magnificat * anima mea Dominum, et exultavit spiritus meus * in Deo salvatore meo, quia respexit humilitatem ancillae suae. * Ecce enim ex hoc beatem me dicent omnes generationes, quia fecit mihi magna, qui potens est,* et sanctum nomen eius, et misericordia eius in progenies et progenies * timentibus eum. Fecit potentiam in brachio suo, * dispersit superbos mente cordi sui; deposuit potentes de sede * et exaltavit humiles; esurientes implevit bonis * et divites dimisit inanes. Suscepit Israel puerum suum, * recordatus misericordiae, sicut locutus est ad patres nostros, * Abraham et semini eius in saecula.
Nunc dimittis servum tuum, Domine * Secundum verbum tuum in pace. Quia viderunt oculi mei * salutare tuum. Quod parasti * ante faciem omnium populorum.
Lumen ad revelationem gentium, * Et gloriam |
|||||||||||||||||||
 |
|||||||||||||||||||
|
|||||||||||||||||||
 |
|||||||||||||||||||
 |
