 |
|||||||||||||||||||
|
|||||||||||||||||||
 |
|||||||||||||||||||
|
СВЯТОМУ СЕМЕЙСТВУ Orationes Oratio in honorem Sanctae Familiae
Hymni
Oratio in honorem Sanctae Familiae Domine Iesu Christe, qui Mariae et Ioseph subditus, domesticam vitam ineffabilibus virtutibus consecrasti: fac nos, utriusque auxilio, Familae sanctae tuae exemplis instrui et consortium consequi sempiternum: Qui vivis et regnas in saecula saeculorum. Amen. Breviarium Romanum
O gente felix hospita, augusta sedes Nazarae, quae fovit alma Ecclesiae et protulit primordia. Sol, qui pererrat aureo terras iacentes lumine, nil gratius per saecula haec vidit aede, aut sanctius. Ad hanc frequentes convolant caelestis aulae nuntii, virtus hoc sacrarium visunt, revisunt, excolunt. Quae mente, Iesu, qua manu, optata patris perficit! Quo Virgo gestit gaudio materna obire munera! Adest amoris particeps curaeque Ioseph coniugi, quos mille iungit nexibus virtutis auctor gratia. Hi diligentes invicem in Iesu amorem confluunt, utrique Iesu mutuae dat caritatis praemia. Sic fiat, ut nos caritas iungat perenni foedere, pacemque alens domesticam amara vitae temperet! Iesu, tuis obediens qui factus es parentibus, cum Patre summo ac Spiritu semper sibi sit gloria. Breviarium Romanum
O lux beata caelitum et summa spes mortalium Iesu, o cui domestica arrisit orto caritas: Maria, dives gratia, o sola quae casto potes fovere Iesum pectore, cum lacte donans oscula: Tuque ex vetustis partibus delecte custos Virginis, dulci patris quem nomine divina Proles invocat: De stirpe Iesse nobili nati in salutem gentium, audite nos, qui supplices vestras ad aras sistimus. Dum sol redux ad vesperum rebus nitorem detrahit, nos hic manentes intimo ex corde vota fundimus. Qua vestra sedes floruit virtutis omnis gratia, hanc detur in domesticis referre posse moribus. Iesu, tuis obediens qui factus es parentibus, cum Patre summo ac Spiritu semper tibi sit gloria. Papa Leo XIII
Sacra iam splendent decorata lychnis templa, iam sertis redimitur ara, et pio fumant redolentque acerrae thuris honore. Num iuvet Summo Geniti Parente regios ortus celebrare cantu? num domus David, decora et vetustae nomina gentis? Gratius nobis memorare parvum Nazarae tectum, tenuemque cultum gratius Iesu tacitam referre carmine vitam. Nili ab extremis peregrinus oris, angeli ductu, propere remigrat multa perpessus Puer, et paterno limine sospes. Arte, qua Ioseph, humili excolendus abdito Iesus iuvenescit aevo, seque fabrilis socium laboris adiicit ultro. Irriget sudor mea membra, dixit, antequam sparso madeant cruore: haec quoque humano generi expiando poena luatur. Assidet Nato pia Mater almo, assidet Sponso bona nupta, felix si potest curas relevare fessis munere amico. O neque expertes opere et laboris, nec mali ignari, miseros iuvate, quos reluctantes per acuta rerum urget egestas. Demite his fastus, quibus ampla splendet faustitas, mentem date rebus aquam: quotquot implorant columen, benigno cernite vultu. Sit tibi, Iesu, decus atque virtus, sancta qui vitae documenta praebes, quique cum summo Genitore et almo flamine regnas.
Papa Leo XIII
|
|||||||||||||||||||
 |
|||||||||||||||||||
|
|||||||||||||||||||
 |
|||||||||||||||||||
 |
